Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_15

<begin>
Min here riquaerd van straten min here jan die grote rudders bouden dyserin weitin ratgher jan haket hughe strokin f diederix wouter f domini hakets wie schepenen van den vrien doen te verstane allen den goenen die dese lettren sullen sien jof horen lesen
</begin>
<main>
dat cam vor ons willem die knif ende carstine siin wijf ende gauen wettelike ghijfte osten den wlf van tuen ymete lands ende xxxij roeden lands lichtelic min jof lichtelic me ligghende jn die prochie ende binnen den ambochte van oostkerke vp clais knifs hofstede daer die vorseide willem die knif vp woent ende sie weddent hem weg ende land eghin land ende quite land te wetten te waerne te zinen vrien Eghindome
</main>
<end>
ende omme dat wie vorseide schepenen willen dat dese dinc bliue vast ende ghestade so ebben wie dese lettren gheseghelt met onsen zeghellen vtanghende Dese ghijfte was ghedaen tsaterdaghes na der helegher crucen daghe ten ommeganghe te dorneke jnt jaer ons heren als men scrijft siin incarnation m cc lxx quarto roedoen
</end>