Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_17

<begin>
Miin here bouden reifin miin here bouden broekre miin here jan die grote rudders wouter die wilde jan van cleyhem Reinvard f godelieue bouden dyserine jan aket & weitin ratgher wie schepen vanden vrien doen te verstane alden goenen die dese lettren sullen zien jof horen lesen
</begin>
<main>
Dat cam vore ons pieter bollekin vanden damme & margriete sin wijf & gauen vp te wetteliker ghifte pietere f sere pieters van curterike te sines vader boef sere pieters van curterike vorseit achtiene ymete lands lichtelic min jof lichtelic me legghende binden ambochte van houtawe be oesten den moenstre van houtawe vorseit & & es gheheten dat werf & heilewiue meed & stic dat leghet vpten waterganc andie suyd side dar in leghet keisers brughe & dat dar toe behoret & sie wedden desen pietere f sere pieters van curterike vorseit te sines vader boef sere pieters van curterike vorseit al dit vorseide land te wette te ghewarne wegh & land & quite land met sire rechte sculd te sinen vrien eghindoeme jeghen elken meinsche
</main>
<end>
Ende omme dat wie schepen stonden ouer dese ghifte & willen dat soe vast & ghestade bliue ebben wie schepen dese lettren te kennessen gheseghelt met onsen zeghele hutanghende Dit was ghedaen saterdaghes na sinte donaes daghe int jar ons heren als men scrijft sin incarnation MCCLxx quarto
</end>