Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_2

> <begin>
Mine here roeger van ghistele mine here riquart van straten mine here boudin reinfin mine here boudin debroekere clais ser hughes zone reinvert ver godelieven zone boudin alards zone domaes dehoent wi scepenen van den vrien doen te wetene allen den ghonen die dese lettren sullen zien of horen lesen
</begin>
<main>
dat quamen voer ons woutre dapper ende kerstine sien wief ende gauen halme ende ghifte broedre anselme broeder van sente claren ter kerke boef van sente claren van vieren jmeten lans ende xxxviii roede lettel min of lettel meer ende weddens te wette te waerne te jmet met iii 1/2 d te sculde legghende jnde prochie van nieumonstre van den welken lande een stic heet smoetkin ende dat haudet iii 1/2 linen ende i 1/2 roede lettel min of lettel meer dander stic heet bonnards stic dat haudet iii jmete iii 1/2 roeden min lettel min of lettel meer
</main>
<end>
ende ombe dat wi voerseide scepenen van den vrien willen dat dese voerseide voerwarde si vaste ende ghestade hebbe wi dese lettren vethanghede ghezeghelt met onsen zeghelen Dit was ghedaen jnt jaer ons heren alse men scrift sien jncarnation m cc lxxiiii jnde vierscaren jnde borch saterdaghes voer onser vrouwen dach te haren gheboernessen
</end>