Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_7

<begin>
mijn here Bouden de broekere Reinvaerd vergodelinden sone Johan niemare Bouden alards sone Arnoud willen sone hughe strokin ende stacin van spetelinghewerve wi scepenen vanden vrien doen tewetene allen den ghenen die dese lettren sullen sien ofte horen lesen
</begin>
<main>
dat vore ons cam margriete willes broekers dochter van zuenkerke ende gaf vp in Evriarden handen mestricghe der beghinen inden wingard bi brucghe iiij ymete lans ende i half ende xiiij roeden lichtelic min jof meer in weteliker ghiften terfermerien boef inden vorseiden wingard dit lant leghet in zuenkerke ende van desen lande heeten die iij ymete ende xiiij roeden die gheere ende i ymet ende i half tescittinghewerve achter willins asscherics hofstede was quite lant ende vri lant wech ende lant wedde dese vorseide margriete deser vorseider Evriarden ter vorseider fermerien boef ieghen elken mensche teghewaerne
</main>
<end>
Jn orconscap deser ding dat soe wetelike vorons was ghedaen hebben wi gheseghelt dese lettren met onsen hute hanghenden seghelen Dit was ghedaen int jaer ons heren dat men scriuet mcclxxiiij vpten vridach na belokenen paschen lesesen
</end>