Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_9

<begin>
Wie meester jhan van veurne ende der jhan van ghent prochypapen van ysendike doen te wetene alden goenen die dese lettren zullen zien ende horen lezen
</begin>
<main>
dat die disch meesters van den heleghen gheeste jn ysendike zijn sculdich der niewer fermerie vanden begghinen van brugghe buten wijngarde die staet jn sint Crues prochya vif sceleghe vlaemscher peneghe Renten siaers ewelike te gheldene telken medewintra vander Rente die hem gaf agheta boudens wedewe kents van ysendike
</main>
<end>
Jn orconscepe van deser dinc so hebben wi dese lettren te kennessen vthanghende ghezeghelt met onsen zeghelen dese lettren waren ghegheuen anno domini M CC Lxx quarto saterdaghes vander triniteit binder maent van meie
</end>