Compilatiecorpus Historisch Nederlands 1.0 (CHN): ambtelijke teksten 1250-1800: brugge_1279_2

<begin>
Willem die corte jan die brune hughe vanden hove wilsin van scarpinghe wouter f boidins langhe jan van caedsant & jan mont wie scepenne vanden vrien doen teverstane allen den goenen die dese lettren sullen zien jof horen lesen
</begin>
<main>
dat cam vor ons bouden f riquards f boudens ende adelise sin wijf bouden f boudens f domaes ende heilewijf sin wijf & riquard f zoetemans & gaven wettelike ghifte vermaerchen kelewardrighe van sparemaelgen ter abedesse boef & coevents boef van sparemaelgen van tveen ymeten lants & viue ende tuyntich roeden lants lichtelic min jof me legghende binden ambochte van ardenburgh in die prochie van heile vp Middel zant beoestalf arnouds f pieters huse tusschen heinrix waldax lant & sie weddents deser vorseider vermaerchen ter abedesse boef & coevents boef vorseit te wette te waerne wech & lant & eghin lant quite lant & sonder sculd ter abedesse boef & coevents boef vorseit vrien eghindoeme jeghen elken
</main>
<end>
Ende omme dat wie vorseide scepenne stonden over dese ghifte & willen dat soe vast & ghestade bliue so hebben wie dese lettren te kennessen hutanghende yseghelt met onsen zeghelle dit was ghedaen saterdaghes vor grote vastenavende anno domini M CC Lxx Nono ghife
</end>