Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_11

<begin>
Diederic die vos riquard f standaerds jhan die bruyne doemaes die hont heinric scavescacht ende jhan die boye ende gheraerd die weuel wie Scepenen vanden vrien doen te verstane alden goenen die dese lettren sullen sien of horen lesen
</begin>
<main>
dat quam vore ons hannin f heinins f baerten ende aechte Siin wiif ende gaven wettelike ghifte joncvrowe heilen vanden brouhuyse begghine inden wiinghaerd van tuen linen lands lichtelic min of meer ligghende binder prochie te clemskerke in die hofstede daer heinin f baerten woende vri land quite lant met xxxix peneghen vlaemsche scouden elx jaers ende wech ende lant ende sie weddes hare te wetten te waerne jeghen elken mensche te haren vrien eghindoeme ende vort so nam dese vorseide hannin f heinins f baerten Dit vorseiland te sense te tien jaren omme xxiiii sol ymet elx jaers ende desen vorseiden sens te gheldene te tuen tiden binden jare die ene helt te gheldene te sinte jhans messe middels somers ende die ander helt te gheldene te Sinte baves messe die daer naest comt
</main>
<end>
ende omme dat wie willen dat dese dinc si vast ende ghestade blive So hebben wie scepenen vorseid dese lettren gheseghelt met onsen Seghelen huythancende Dit was ghedaen saterdaghes vore meye daghe int jaer ons heren alsment scriift Siin in carnacioen m cc lxxxi
</end>