Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_24

<begin>
Wie scepenen vanden vrien Jan die brune diedric die vos Hughe vanden houe bouden f boudens Reinuard porijn Hughe van boienghem wouter f boidins ende arnoud f heinemans doen te wetene alle den ghoenen die dese lettren sullen sien jof horen lesen
</begin>
<main>
dat quamen vor ons willem f willekijns ende heilsoete sijn wijf ende gauen wettelike ghichte jonvrowe catelinen f ser jan cants van tween line lands ende van vive ende twintich roeden ende twe deel roeden lichtelic min jof me legghende jnt hambocht van dudsele jnts dekens hoec bezuden buekemare Ende dit vorseide land wedden si hare vri quite wech ende land ende te wette te warne jeghen elken mensche ter fermerie boef van sinte obrechts die wilke staet jn die prochie van sinte cruus
</main>
<end>
Ende omme dat wie vorseide scepenen willen dat dese dinc vast blive ende ghestade so hebben wie dese lettren te kennessen vthanghende gheseghelt met onsen zeghellen Dit was ghedaen jnt jaer ons heren alsemen screef zijn jncarnatioen mcc ende lxxxi des saterdaghes vor onser vrowen daghe jn pietmaend
</end>