Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_25

<begin>
Wi Florens graue van hollant doen cundich al den ghenen die desen brief sien sullen ofte horen
</begin>
<main>
dat wi doer onser vorvorder sielen gheconfirmeren ende stade houden al onser ouder lettre die die monike van den dunen hebben op vrieden alse van tollen vri te varen in onsen lande ende vp onse gheleide so warsi binnen onsen lande sin of hare boden met haren goede
</main>
<end>
Jn orcontscap van deser vestinghe so hebbe wi desen brief doen seghelen met onsen seghele jn den iar onses heren dusent tve hondert ende ene ende tachtich des donrsdaghes na sente lambrechts daghe
</end>