Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_3

<begin>
Min here Jehan die hamer min here wouterman van ghent rudders Diederijc die vos Oliuier van der haghe Boudene van morkerke Arnoud heinmans sone ende wouter boidijns sone Wie scepenen van dien vrihen doen te wetene allen dien ghenen die dese lettren zullen zien of horen lesen
</begin>
<main>
Dat Camen vor ons Heinric die groete ende beatrice ziin wijf ende gauen den meister van den hospitale van zinte ians hues in brugghe tsuorseids hospitaels boef wettelike gifte van twen linen lands ende zestich roeden lichtelijc min of meer lighende in die parrochie van zuenkerke ende ghelouedens hem te waerne vri lant ende quite lant te wette tsuorseids hospitaels vrihen Eeghijndoeme
</main>
<end>
Ende om dat wie vorseide scepenen stonden ouer dese vorseide sticken ende wie willen dat zi bliuen vaste ende ghestade so hebben wie dese lettren ghezeghelt vthanghende met onsen zeglen in kennessen dier wareiden Dit was ghedaen int iaer ons heren als men screef zijn Jncarnation twaelf hondert iaer ende tachtich tsaterdaghes na zinte vincencijs dach te zint denaes in die kerke
</end>