Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_33

<begin>
Min here bouden die broekre ruddra willem f alards riquard standaerd gillis f wouters bouden f boudens gherard die weuel arnoud f heinemans ende jan van tardendike wie scepenen vanden vrien doen te verstane allen den goenen die dese lettren sullen sien iof horen lesen
</begin>
<main>
dat cam vor ons bouden f boudsoets ende heilsoete siin wijf & maertin des vorseids boudens suaselinc f boudsoets ende ymsoete des maertins wijf ende gaven wettelike ghifte bouden van dudsele te pieters boef van oestkerke van viere ymete lands lichtelic min iof me licghende binden ambochte & in die prochie van dudsele af zuidalf boudens vos lande tere stede heet tysendorpe ende sie weddents hem al dit vorseide land weg ende land ende quite land te wetten te waerne te des vorseids pieters van oestkerke vrien eghindome boef jeghen elken mensche
</main>
<end>
ende omme dat wie vorseide scepenen willen dat dese dinc bliue vast ende ghestade so hebben wie dese lettren gheseghelt met onsen zeghellen vtanghende dit was ghedaen in alre heleghen daghe anno domini m cc lxxxj
</end>