Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_35

<begin>
hughe die grote arnoud f heinemans gheraerd die weuel oliuier f bouden noes langhe jan vte cadsand ende jan mond ende jan van tardendike wie scepenen vanden vrien doen te wetene allen den goenen die dese lettren sullen sien jof horen lesen
</begin>
<main>
dat cam voer ons vrouwe aeghte alaerds clerx wedewe ende gaf wetteleke ghifte vrouwe maerten kelewaerdigghe van spaermaelgen ter abedessen boef ende tscouents boef van spaermaelgen van drien ymete lands ende viue ende tvintich Roeden lands lichteleic meer jof min licghende binden ambochte van ysendike ende binder prochie van sconendike vpt sand ant land dat michiel ostkin houd te chense vanden huus van spaermaelgen voerseid ende soe weddets hare tewette tewaerne ieghen elken mensche te dis voerseids huus ende couents van spaermaelgen vrien eghindoeme ende wech ende land ende quite land ende sonder scult
</main>
<end>
ende omme dat wie voerseide scepenen vanden vrien waren ouer dese ghifte ende dat wie willen datse vast bliue ende ghestade so hebben wie tekennessen dese lettren ghezeghelt met onsen zeghelen dit was ghedaen saterdaghes voer sinte andries daghe anno domini m cc lxxx primo
</end>