Compilatiecorpus Historisch Nederlands 1.0 (CHN): ambtelijke teksten 1250-1800: brugge_1281_6

<begin>
Diederijc die vos Reinuart poerijn Gheraert die weuel Wouter boidijns sone Hughe vten houe Jhan die brune Lambrecht diederix sone Arnout heinemas sone Wie scepenen van den vrihen doen te wetene ende teuerstane allen dien ghenen die dese lettren zullen zien of horen lesen
</begin>
<main>
Dat Camen vor ons Jacob ver marien sone Heilote sijn wijf ende adelice ende marie sine dochtre Ende ghauen den meister van zinte jans hues ten hospitale jn brugghe tsuorseids hospitaels bhoef wettelike ghifte van Neghenen ghemeten lands ende achtentachtich roeden ende een halue roede ligghende jn die prochie van zuenkerke Ende ghelouedens hem te waerne vri lant ende quite land te wetten jeghen elken meinsce tsuorseids hospitaels vrien heeghindoeme met vierende dartich peneghen ende enen halling vlaemcs te sculden
</main>
<end>
Ende om dat wie vorseide scepenen van den vrien stonden ouer dese vorseide sticken Ende wie willen dat zi bliuen vast ende ghestade so hebben wie dese lettren vtanghende ghezeghelt met onzen zeglen jn kennesse dier wareiden Dit was ghedaen jnt jaer ons heeren als men screef zijn jncarnation twaelf hondert ende tachtich iaer vp zinte valentijns dach jnt hospistael van zinte jhans hues jn Brugghe
</end>