Compilatiecorpus Historisch Nederlands 1.0 (CHN): ambtelijke teksten 1250-1800: brugge_1287_1

<begin>
Wie wouter van ghent ruddra johan van cadsant jan die weuel weynin van varsenare hannoet casekin thomas hond gherard die weuel gillis f wouters ende gherard die goes van santforde scepenen vanden vrien doen teverstane allen den goenen die dese lettren sullen sien ende horen lesen
</begin>
<main>
Dat quam vore ons Dideric f lambrets f diderix van rasewale ende gaf wettelike ghifte weynine stullarde van drien jmete lands ende lx roeden lands lichtelic me of min licghende iiij linen in die prochie van weindune binden ambochte van vtkerca dat men heet vlastic ende tve jmete i virendele ymeets min leghets binder prochie van niemonster besued half hanne slabbard vp die gracht ende hie weddets hem tewette tewaerne wech ende land quite land te sinen vrieghindome jeghen elken mensche sende
</main>
<end>
in kennesse van desen sticken dat sie vast bliuen ende ghestade hebben wie vorseide scepenen dese lettren gheseghelt met onsen zeghellen uthanghende dit was ghedaen sfrindaghes vore onser vrouwen daghe ter lichtmesse Anno domini m cc lxxx septimo
</end>