Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_10

<begin>
Wie matheus hoeft Ende jan van ertsberghe schepenne in brucghe tien tiden dat dese dinc vor ons was ghedaen doen tewetene allen den goenen die dese lettren sullen zien jof horen lesen
</begin>
<main>
Dat cam vor ons bouden van berneem ende gaf halme ende wettelike ghifte louwerse van artrike den clerc tes hospitaels boef van onser vrowen ter pottrie van al siere husinghe staende alder naest den hospitale vorseid andie zudside vp dis vorseids hospitaels land ende hie weddets hem tewetten te waerne met al datter toe behord erd vast & naghel vast te dis vorseids hospitaels boef rechten eghindoeme jeghen elken mensche
</main>
<end>
Ende in kennessen van deser dinc dat soe vast ende ystade bliue so hebben wie vorseide schepenne dese lettren yseghelt met onsen zeghellen huthanghende Dit was ghedaen soendaghes na assention daghe anno domini M cc nonogesimo
</end>