Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_11

s
Wie dideric vos jan die brune gillis f domini hughes willem die corte Oliuier vander haghe jan van tarrendike gherard die goes ende wouter die vos scepenen vanden vrien doen teverstane allen den goenen die dese lettren sullen sien ende horen lesen
</begin>
<main>
Dat quamen vore ons hanne f pierins f gherards pieter sin broeder lambrat f willems van garlem ende margriete sin wif ende gauen wettelike ghifte riquarde f verclemmen van vive linen lands ende van drien ende seuentich roeden lants lichtelic me of min licghende binden ambochte ende binder prochghie van zuenkerca tere stede hetet trenten ende an die west side leghet sinte jhans hus land ende an doest side jan ylux lant ende sie weddens hem tewette tewaerne vrie lant quite land al sonder wech te sinen vrien eghindomme jeghen elken mensche
</main>
<end>
ende in kennesse van desen sticken dat sie vast bliuen & ghestade hebben wie vorseide scepenen desere lettren gheseghelt met onsen zeghellen vthanghende dit was ghedaen saterdaghes nader triniteit anno domini m cc nonogesimo
</end>