Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_15

<begin>
Wie willem f ghuters ende jacob f lisemoeden redenars vp sproefs doen tewetene allen den goenen die dese lettren sullen sien ende horen lesen
</begin>
<main>
dat quamen vor ons hanne f willemans rix ende adelise sin wijf ende gauen wettelike ghifte broeder niclaise van sinte marien magdalenen ten hus boef van sinte marien magdalenen vorseid van een ymete & viuende vichtich roeden lants lichtelic min jof meer licghende vp sproefs binder prochie van dudsele ende es yheten die west maet ende leghet af en side tuschen pieter malins wedewe lande ende af andre side tuschen den hus lande van sinte marien magdalenen vorseid ende sie wedden aldit vorseide lant tewetten tewarne wegh ende lant & quite lant met zeven sceleghe vlamscher peneghe siars vanden sticke te sculden die me ghelt den sproeft als hus boef van sinte marien magdalenen vorseid rechten Eghindoeme jeghen elken menssche
</main>
<end>
ende jn kennessen van deser dinc datse vast ende ghestade bliue so hebben wie redenars vorseid dese lettren gheseghelt met onsen seghellen hutanghende dat was ghedaen saterdaghes vor sint jans daghe mids zomers anno domini m cc nonogesimo ymete
</end>