Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_19

<begin>
WJE jan die brune arnoud f heinemans weinin van varsenare gherard die weuel willem die corte jan van tarrendike gherard die goes ende wouter die vos schepenen vanden vrihen doen te wetene allen den goenen die dese lettren zullen zien jof horen lesen
</begin>
<main>
dat cam vor ons veis vander lelye ende cateline sijn wijf ende gaven wettelike ghifte jan den vos van viere linen lands lichtelic meer jof min ligghende binden ambochte ende binder prochie van jabbeke dat es te wetene die hofstede daer jan die vos vorseid vp woent ende den belc die leghet of westhalf onder dese vorseide hofstede ende sie weddens hem te wette te waerne jeghen elken mensche wech ende lant ende quite lant ende sonder scult te sinen vrihen eghindoeme
</main>
<end>
Ende omme dat wie vorseide scepenen vanden vrihen waren ouer dese wettelike ghifte ende wie willen datse vast zal bliven zeker ende ghestade so hebben wie dese lettren te kennessen vthanghende ghezeghelt met onsen zeghelen dit was ghedaen in sinte marien magdalenen daghe anno domini m cc Nonogesimo
</end>