Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_2

<begin>
Jhan van vtkerke ruddre Jan van poele willem f van Cleyhem Reiuard porin willem f alards jan die brune weynin van varsnare hughe van den houe Gherard die weuel gherard die goes jan mont ende woutre die vos wie scepene van den vrien doen te wetene ende te verstane alden ghenen die dese lettren sullen sien jof horen lesen
</begin>
<main>
Dat quamen vor ons Lammin onghereet jan van Ridervorde ende magriete sijn wijf ende gauen wettelike ghifte jan voete van tween ghemeten lands lettel min jof lettel me lecghende binden ambachte ende jn die prochie van straten bi sinte jans huis Lande Ende si weddens hem al dit vorseide land wech ende land vri land ende quite land eghin land ende sonder scult te wetten te waerne jeghen Elken mensce te sinen Rechten eghindoeme dis jans voets vorseids
</main>
<end>
Ende jn kennessen van deser dinc ende dat wie scepene vorseit willen dat si vast sijn ende ghestade bliuen so hebben wie dese lettren gheseghelt met onsen seghelen vthanghende Dit was ghedaen sfridaghes voer onser vrouwen dach ter lichtmesse jnt jaer ons heren als men screef sijn jncaernatioen millesimo ducentesimo Octogesimo Nono
</end>