Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_20

<begin>
Wie reinvaerd porin domaes die hont heinric die grote bouden f boudens hughe vanden hove willem van kleihem jan aket jan mont jan van tardendike gheraerd die goes hughe van boyenghem ende wouter die vos scepenen vanden vrien doen te wetene allen den goenen die dese lettren zullen zien iof horen lesen
</begin>
<main>
dat Camen vor Ons maertin vander rughe Ende maergriete ziin wijf porters in brucghe Ende gaven vp broeder lambrat van ardenburgh hondermester vanden becgaerden vanden groten convente vanden becgaerden in brucghe als tere capelrien boef vanden groten convente vanden becgaerden al die macht ende al dat rechte dat sie hadden an al dat land ende an al die rente ghelijc dat alle sesse die tsaerters spreken daer dese laetste tsaerter duer steken angheanghen es als ter vorseider capelrie rechten eghindome boef
</main>
<end>
Ende in kennessen van deser dinc dat wie vorseide scepenen willen dat soe vast ende ghestade bliue so hebben wie dese lettren duersteken duer andre tsaerters vtanghende gheseghelt met onsen zeghellen dit was ghedaen vrindaghes na sinte carstoffers daghe domini m cc nonogesimo letten
</end>