Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_21

<begin>
Wie riquard standaerd ende riquard f bouden standards min neve redenars vp sprofs doen tewetene allen den goenen die dese lettren sullen zien jof horen lesen
</begin>
<main>
dat camen vor ons bouden f hannins van weyndunen ende machtild sin dochter ende gauen wettelike ghifte wouter f ghuters van tve ymete lands lichtelic min jof meer licghende binder prochie te weyndunen oest over den wech daer die vorseide bouden woent streckende of oestalf anden wech die comt vten dorpe teweyndunen ende heet spoerierstic Ende sie weddens hem aldit vorseide land tewetten tewaerne wech & land & quite land metter sculd diere vp staet te sinen vrien eghindoeme jeghen elken mensche vord wedde bouden & machtild sin dochter vorseid desen vorseiden wouter f ghuters hier toe te doen comenne & te bringhene hannekine ende boudekine dis bouden f hannins kindere & wettelike ghifte te doen ghevene desen wouter f ghuters vorseid binder naester maent daer na dat dese tve vorseide kindere sin comen te haren jaren als vanden zeluen tve ymeten lands vorseid
</main>
<end>
Ende jn kennessen van deser dinc dat soe vast & ystade bliue so hebben wie vorseide redenars dese letteren yseghelt met onsen zeghellen dit was ghedaen saterdaghes naer sinte carstoffers daghe anno domini M CC Nonogesimo schepenne
</end>