Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_25

<begin>
Wie bouden dyserine ruddre diederic die vos thomaes die hont gherolf van calfekete jan die bruine willem van kleyhem jan aket ende gherard die goes schepennen vanden vrien doen tewetene allen den goenen die dese lettren sullen sien ende horen lesen
</begin>
<main>
dat cam vor ons heinekin heinrix vader zoene die clerc van bredenhe ende gaf wettelike ghifte jan ladden te alards lams boef sins heren van tien linen lants lichtelic min jof meer licghende bins ser woutermans ambochte ende jndie prochie van bredene benorden dar heinric die glindre wilen woende ten omme kere vanden weghe nord over den wegh twelke vorseide lant wilen was wouter robins ende heinekin vorseid wedde al dit vorseide lant den vorseiden janne ladden tewetten tewarne wegh ende lant Eghin ende quite lant te alards boef vorseid rechten Eghindoeme jeghe elken menssche
</main>
<end>
Ende omme dat wie willen dat dese dinc vast ende ghestade bliue So hebben wie schepennen vorseid te kennessen dese lettren gheseghelt huthanghende met onsen seghellen dit was ghedaen saterdaghes naer onser vrowen daghe jn pietmaend anno domini M cc nonogesimo
</end>