Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_26

<begin>
boudene die yserine ruddre Diedric die vos Domaes die hont Reiuard porin Gherolf van Caluekete Gillis f mijns here hughes alard storem weynin van varsnare Oliuier van der haghe ende Jan mont Wie scepene van den vrien doen te wetene alden ghenen die dese lettren sullen sien jof horen lesen
</begin>
<main>
dat quam vor ons adelise hughes wedewe f gerards ende scalt quite ende gaf vp Riquarde haren sone te sinen rechten eghindoeme alt recht ende al die macht die soe hadde an die bileuinghe als van enen ghemete lands lecghende binden ambachte van lisweghe ende jn die prochie te coudekerke twelke land adelise vorseid helt jn bileuinghen van hughen f gherards dis vorseids riquards vader ende soe weddre hem te wetten te waerne jeghen elken mensce
</main>
<end>
ende jn kennessen van deser dinc ende dat wie scepene vorseid willen dat si vast sijn ende ghestade bliuen so hebben wie dese lettren gheseghelt met onsen seglen vthanghende Dit was ghedaen tsaterdaghes na onser vrouwen daghe jn pietmaent Anno domini millesimo ducentesimo Nonogesimo mout
</end>