Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_32

<begin>
Wie diederic de vos jhan vanden sande reinvaert porin heinric de grote willem van watervliet weinin van varsenare gherard de ghoes arnoud heinmans suene ende woutre de vos scepenen vanden vrien doen te verstane alle de ghenen die dese lettren sullen sien jof horen lesen
</begin>
<main>
dat quam vor ons boudekin bleivin boudene bleiuins suene ende ghaf halm ende wettelike ghifte claise boudsins suene van tuen linen lants ligghende binden anbochte van dudsele in ene stede heet boenghaerds werf ende weddets hem te wette te ghewarne wech ende lant quite lant vri lant eghin lant te sinen vrien eghindoeme jeghen elken mensce
</main>
<end>
ende omme dat wie scepenen vorseit willen dat dese dinc bliue vast ende ghestade so hebben wie dese lettren gheseghelt met onsen propren seghelen vthanende dit was ghedaen jnt jaer ons heren als men scriuet dusentich tue hondert ende neghentich in sente martins auende
</end>