Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_34

<begin>
Wie jan van woeme heinric die grote willem van kleyhem hughe vanden hove arnoud f heinemans gherard die goes ende wouter die vos schepennen vanden vrien doen te wetene allen den goenen die dese lettren sullen sien ende horen lesen
</begin>
<main>
dat cam vor ons Carstyaen f verghinen canoneke laet ende Carstine sin wijf ende gaven wettelike ghifte pieter roedolfe van Ere line lants lichtelic min jof meer ende alle die boemen die staen vp dit vorseide lant twelke leghet binden ambochte ende binder prochie van hoestkerke ende es yheten reinfins ofsteide lande ymaerke der an an di[e] [en]e side jans lant f Ermengarden ende af andre side an jan f revins lant ende carstiaen ende carstine sin wif vorseid wedden den vorseiden pieter aldit vorseide lant ende metten boemen vorseid tewetten te warne wegh ende lant & quite lant met tveen sceleghen ende sesse peneghen vlamscher tsiaers te schulden als te sinen rechten Eghindoeme jeghen elken menssche
</main>
<end>
ende jn kennessen van deser dinc datse vast ende ghestade bliue so hebben wie schepennen vorseid dese lettren gheseghelt huthanghende met onsen seghellen dit was ghedaen sfrindaghes vor sinte Clements biden daghe a[n]no domini m cc nonogesimo
</end>