Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_37

<begin>
Willem van straten Ruddre Jhan van Woeme Weynin van varsnare boudene f boudens Hughe vanden hove Arnoud f heinemans ende gherard die goes Wie Scepene vanden vrien doen te wetene ende te verstane alden ghenen die dese lettren sullen sien jof horen lesen
</begin>
<main>
Dat quamen voer ons Jhan die Calkre portre jn brucghe ende magriete sijn wijf ende gauen wettelike ghifte den here michiele monec van sente andries ter kerken boef van sente andries van vichtene ghemete lands onder land ende moer lichtelic min jof lichtelic meer lecghende binden ambachte van straten ende jn die prochie te sente andries Neven der kerken moer van sente andries ende es gheheten liskine mour ende land ende moer dattre toe behord tote vichtiene ghemete lettel min jof me vorseid Ende si weddens al dis vorseids moers ende lands wech ende land vri land ende quite land Eghin land ende moer te wetten te waerne jeghen elken mensce ter vorseider kerken van sente andries Rechten eghindoeme
</main>
<end>
Ende jn kennessen van deser dinc ende dat wie scepene vorseid willen dat si vast sijn ende ghestade bliuen so hebben wie dese lettren gheseghelt met onsen zeghelen vthanghende Dit was ghedaen tsaterdaghes voer seleghes Carsts daghe jnt jaer ons heren als men screef sijn jncaernatioen Millesimo Ducentesimo Nonogesimo
</end>