Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_4

<begin>
Jc symoen lauward bailliu van brucghe doe te wetene alle den Ghenen die dese letteren zullen zien ende horen lesen
</begin>
<main>
dat cam vor mie joncvrouwe marie bernards ende verliede daer dat soe vercocht hadde vp tiden die verleden was den abbet ende den conuente van der does dartich sceleghe siaers renten die soe hadde an die hofstede vp die potterie daer die van der does vp ghehuist hebben Ende een dardendeel van enen huis dat stoent vp die selue hofstede in den zuitwesthoec Omme ene somme van peneghen danof dat soe hare wel ghepaiet heft Ende soe belouets den abbet ende den conuente van der does vorseit te waranderne wettelike jeghen elken mensche
</main>
<end>
Bi orconscepen van desen letteren beseghelt met minen zegle vthanghende Dit was ghedaen svrijndaghes na onser vrouwen daghe ter lichtmesse anno domini m cc lxxx nono
</end>