Compilatiecorpus Historisch Nederlands 1.0 (CHN): ambtelijke teksten 1250-1800: brugge_1290_8

<begin>
Wie wouter tareuscoef hughe aerleboud ende wouter f ghuters redenars vp sprofs doen tewetene allen den goenen die dese lettren sullen zien jof horen lesen
</begin>
<main>
dat camen vor ons hannin die hoytere & maergriete sin wijf ende gauen wettelike ghifte broeder willemme van caprike mester vanden hospitale van sint jans huis jn brucghe als te desen hospitale boef van achte linen lands & sesse roeden lands lichtelic min jof me licghende binder prochie te weyndunen besuden bouden f hannins ofstede van welken lande vorseid leghets tve linen jn laerd stic & dat andere land leghet of oestalf an laerdstic tusschen hannins f ghuters kindere land streckende zudwaerd toten lene ende sie weddens hem aldit vorseide land tewetten tewaerne wech & land & quite land metter sculd diere vp staet ten vorseiden hospitale rechten eghindome boef & jeghen elken mensche
</main>
<end>
Ende in kennessen van deser dinc dat soe vast bliue ende ystade so hebben wie vorseide redenars dese lettren yseghelt met onsen zeghellen huthanghende Dit was ghedaen saterdaghes vor alf april anno domini M CC Nonogesimo
</end>