Compilatiecorpus Historisch Nederlands 1.0 (CHN): ambtelijke teksten 1250-1800: brugge_1361_1

<begin>
Het sij cond Ende kenlic allen den ghenen die dese lettere zullen zien af horen leesen
</begin>
<main>
dat ic pieter hardewst kenne ende verlie dat van allen den mesgripe dat ic mesdaen af mesgrepen hebbe ieghen tambocht van den hantscoewerkers dat ic daer [] bleuen bem in den deken Ende in vinders Ende in tresoriers van den ambochte vorseit So dat de deken Ende vinders En[de] tresoriers van den ambochte van den hantscoewerkers wo[rden] segghende ende wijsende dat pieter hardewst over de me[s] die hi ghedaen heeft ieghen tambocht sal gaen Ende doen ene pelegrimage te sinte ledenaerds in lemogen in de eere [ende] in de weerdichede van den ambochte Ende dese pelegrimage te doene met sijns selues lachame binnen eere maent na[est] comende naer dat hem de deken ende de vinders ende tresoriers vermanen zullen die van deken ende vinders ende tres[oriers] wesen zullen Ende van dane goede vraye letteren bringhen dat pieter hardewst vorseid dese pelegrimage vorsei[d] [] ende ghetrouwelieke ghedaen sal hebben met sijns selues lachameup sijn ambocht te doene ende te doen doene
vo[ort] ware dat sake dat pieter hardewst dese pelegrimage niet ne dade ten vermaenne van den deken ende van vinder[s] [ende] van den tresoriers van den ambochte van den hantscoewerkers Ende men dat kenlic maken mochte dattene [] Ende vinders ende tresoriers van den ambochte vorseid [] Ende taxseren souden also hem lieden goet so [] [] soude dinken ouer tambocht
</main>
<end>
in kennessen van desen dinghen hebben wij deken Ende vinders Ende tresor[iers] [van] den ambochte van den hantscoewerkers dese lettere huuthanghende bezeghelt met sambochts zeghele Dit w[as] [ghedaen] int iaer ons heren als men screef dusentich driehondert Een Ende tsestich up de sesten dach van april
</end>