Compilatiecorpus Historisch Nederlands 1.0 (CHN): ambtelijke teksten 1250-1800: brugge_1412_1

<begin>
</begin>
<main>
Upten xxviijen dach van september anno M IIIJ ende twaleve vp de eede die Aernoud Poltus als makelare ende Everaerd Boc als principael vercoopere van den vierendeele van der verstervenessen van Pietren van Ychteghem den jonghen welcke vierendeel den voorseyden Everaerde als machtich ghemaect aenghewyst es by deelmannen van Brugghe deden voor den ghemeenen hoop van scepenen
</begin>
<main>
dat zy tvoorseyde vierendeel van verstervenessen zonder fraude ende malengien vercocht hebben lxxx Ib grooten met ghereeden ghelde was ghewyst der weduwen van den voorseyden Pietren van Ychteghem eist dat zoe de naerhede hebben wille dat zoe de voorseyde lxxx lb grooten betale binnen derden daghe of daer zoet niet en doet dat zoe ute ghesloten zy eenighe naerhede an den voorseyden coop te hebbene
</main>
<end>
</end>