Compilatiecorpus Historisch Nederlands 1.0 (CHN): ambtelijke teksten 1250-1800: brugge_1414_1

<begin>
</begin>
<main>
Ute dien dat Dyne Fave Jacop Faves kind wesende te Brugghe in voochdien int afkeeren van Luke in Tuscanen daer hy ghetrocken was omme te visiterene zine vriende ende maghe van zyns voorseits vaders zyde ende eenighe andere zyne bederven aldaer te doene aflivich worden es te Kuelne vpten Ryn ende aleer hy starf gaf ende ordineirde int uterste van zinen levene Copkine zynen bastaerden kinde dat hy hadde by Margrieten Jans dochtere van den Dale dartich pond grooten tornoyse vlaemscher munte also de goede liede van der wet van Brugghe daeraf te vullen gheinformeirt zyn So was by den ghemeenen hoop van scepenen van Brugghe vpten xviijen dach van meye int jaer m iiije ende viertiene bevolen Claise Bourgoignon ende Jacoppe Tymosin voochden vanden voorseyden Dyne Faven ten tyden dat hy levede vp te legghene van svoorseits Dynes goede in den handen van Parent Fave ende van Janne van den Houte voochden van den voorseyden Copkine Faven tvoorseits Copkins bouf dartich pond grooten der voorseyde munten omme die ute te ghevene te weese ghelde
</main>
<end>
</end>