Compilatiecorpus Historisch Nederlands 1.0 (CHN): ambtelijke teksten 1250-1800: brugge_1451_1

<begin>
Up tbliverscip ghedaen ten ghemeenen college waert van scepenen van Brugghe by Colaert Dant ende Jan Griseel als die boorghen stonden over Parceval Griseel so was bi den vorseide college van scepenen van Brugghe ghezeit ende verclaert
</begin>
<main>
dat zy over den voorseiden Parchevael boeten zullen jeghen tambocht van den zelver smeden x lb parisis Item dat zy den woukerare vernoughen zullen van der somme van thien ponden grooten dies zal de zelve woukerare de goudine ketene daer af questie was ghehouden zyn over te ghevene ende dat men die ontsticken slaen sal Item dat zy over de mesuse gheven zullen den heere vyftich ponden parisis Item der stede ije hoed calcx
</main>
<end>
Actum den xxijen dach van laumaent anno lj
</end>