Compilatiecorpus Historisch Nederlands 1.0 (CHN): ambtelijke teksten 1250-1800: brugge_1469_1

<begin>
Jan Danyt Colaert Laureyns Olivier Ribaut Jan de Blazere ende Heinric Cappe vrienden ende maghen van Jan Moreel ghaven te kennene
</begin>
<main>
dat de voorseyde Jan zulc van regemente was dat nood was dat hy in voochdie ghestelt ware alzo zy verclaersden by haerlieder eeden Ende mids dien zo was gheconsenteirt dat de voorseyde Jan in voochdie ghestelt zoude zyn ende waren zine voochden Jan de Blazere ende Olivier Ribaut ende was voort gheordineirt dat ment by ghebode zal gheven te kennene te dien hende dat elc daer of ghewaerschuwet zy
</main>
<end>
Actum xixa decembris anno M IIIJC LXIX
</end>