Compilatiecorpus Historisch Nederlands 1.0 (CHN): ambtelijke teksten 1250-1800: brugge_1573_2

<begin>
</begin>
<main>
Alle ghezwooren clercken vande vierschaere deser voorseide stede van Brugghe ende practicienen dewelcke hebben verclaerst ende gheaffirmeert by ede thuerlieder officie ghedaen vuten monde vanden vornoemden Momengy deen den anderen eendrachtelicke ghevolght Dat van allen de tyden dat zy ter voornoemde vierschaere camere ende voor schepenen zittende daghelicx ten berechte van partye respectivelyck ghepracticquiert hebben zy ghezien ende gheweten hebben useren ende practicqueren Dat deen poorter der voornoemde stede van Brugghe den anderen heeft ghedaen executeren voor de betalinghe van vertheerde costen ende vntreghen ghelaghen zonder eeneghe voorgaende wettelichede ofte condemnatie daeromme te moeten oirboirene welcke executien zy altyts ghezien hebben wijsen in judicio contradictorio ende strytbareghe rechte wel ghedaen te zijne
</main>
<end>
Present scepenen Woestine Oyzeel Den 24e in october 1573
</end>