Compilatiecorpus Historisch Nederlands 1.0 (CHN): ambtelijke teksten 1250-1800: brugge_1581_1

<begin>
</begin>
<main>
Voorts vute dien ter kennesse vanden heere ende wet ghecommen es dat vele persoonen binnen deser stede van Brugghe ende scependomme hemlieden draeghen als ghetrauwet ende ghehouwet wesende hoewel nochthans van tzelve huwelicke gheen behoorlick ghetuighenesse ofte kennesse en es waervute vele inconvenienten apparent zyn te rysene jae es te beduchtene dat onder het decxel van zulcke heimelicke trauwe ghevoordert ende inneghevoert zouden worden impuniteit van hoererie ende overspel So eyst dat om al tzelve te vermydene men ghebiet van sheeren ende wets weghe dat niemandt binnen deser stede ende scependomme wonachtich van wat qualiteit ofte religie hy zy hem en vervoordere te procederene tot consommatie van huwelicke zonder alvooren tzelve kennelick te maeckene by drie distyncte openbaere gheboden tzy inde kercken in de welcke men doet exercitie van de ghereformeerde religie byde ministers ofte ten thune vpden burch deser stede byden greffier vander vierschaere ofte zynen ghesubstitueerden die danof de publicatie doen zal alle zondaeghe terstont naer het slaen vanden elleven hueren ende houden danof registre
Welcke gheboden alzo behoorlick ghedaen zynde indien yemant de trauwe ende consommatie van zynen huwelicke niet en begheert te celebreren inde kercken ende naer de maniere vande ghereformeerde religie zal tzelve vermoghen te doene binnen deser stede ende scependomme ende alomme elders daer ende by wyen dat hem believen zal
Up peine dat by faute van dies voorseyt es alzulcke contractanten zullen verliesen alle baete van duwaerien bylevynghen ende andere verschoonessen by hemlieden ten vpziene van huerlieder huwelick besproken ofte vut crachte vande zelve hemlieden ghewone te volghene
Verbiedende voorts alle ministers prochiepapen ende andere hemlieden onderwindende met de lieden te trauwene eenighe huwelicken te consommeren voor dat hemlieden behoorlick ghebleken zy van drie behoorlicke gheboden ghedaen te zyne vp peine voor deerste reyse van hemlieden gheinterdiciert te werdene hun met het officie van trauwen te gheenen daeghe meer te moeyene ende voor de ije reyse van daerof criminelick ghecorrigiert te zyne ter discretie van scepenen
</main>
<end>
</end>