Compilatiecorpus Historisch Nederlands 1.0 (CHN): ambtelijke teksten 1250-1800: brugge_1581_2

<begin>
</begin>
<main>
Men gheeft ulieden te kennen ende vute dien dat myn heeren van de wet deser stede zekerlix gheinformeert zyn ende by experientie bevonden hebben dat diveersche persoonen hemlieden moeyende metter practycque onder tdeexel dat zy notarissen zyn ofte ander pretext hemlieden vervoorderen te passeren de verdeelynghe tusschen de bezittere oft bezitteghen ende de erfghenaemen van eenighe poorterlicke sterfhuusen daerby niet alleenlick dese stede ghefrustreert ende benomen werdt trecht vande aeldynghers van dien nemaer ooc de staten vanden lande benomen werdt de kennisse vande deelen competerende ende anneghaende den vremden ende buten wonende hoirs houdende de zyde ende partye vande vianden vanden lande wiens goedynghen notoirlick behoorden gheannoteert ende ghesaisiert te wordene tot proffyte vande ghemeene welvaert
So eyst dat myne voorn heeren van de wet verbieden by maniere van provisie ende tot andere ordonnancie eenyeghelick van wat qualiteit hy zy notarissen ofte andere practysienen hem te onderwinden ofte moeyen met tpasseeren van eeneghe verdeelynghen ofte quytscheldynghen van eenighe poorterlicke sterfhuusen tzy tusschen den hoirs onderlynghe ofte den bezitters ende den hoirs dan voor scepenen van Brugghe vp de peine ende boete van hondert ponden parisis te verbuerene by den ghonen die ter contrarien doen zal so diewils als tzelve gheschieden zal
</main>
<end>
</end>