Compilatiecorpus Historisch Nederlands 1.0 (CHN): ambtelijke teksten 1250-1800: brugge_1592_1

<begin>
</begin>
<main>
Tot beter directie vande affairen vande stede het schynt dat men behoorde elck vande greffiers ende pensionnarissen vp te legghen ende gheven in handen voor particulier last ende officie tgone hem te doene staet ende wat elck van hemlieden moet verantwoorden ten eynde deen vp dandere hem niet en excusere
De greffier civil
De depeschen van al tghone passeert in camere van schepenen aijeren ende rapporteren van processen dienende ter camere ende generalick al tghone eenichssins raect daffairen gouvernement ende pollicie vander stede negociatie van coopmanschepe ende neerynghen int particulier
De greffler criminel
De zaecken ende examinatie vande ghevanghene ayeren ende rapporteren vande processen dienende ter vierschaere afwinnynghen ende decreten ende tghone meer dient ter pollicie by statuten ordonnancien ende gheboden ghedaen van weghen den collegie ende placcaten commende vanden hove
Een vande pensionarissen
Daffairen vande generaliteyt vanden lande ende al tghone raect de stede van Brugghe als tweede let van Vlaendren Item de zaecken particuliere vande zelve stadt danof de sollicitude dient ghedaen thove inden priveen raedt ofte financien met laste van te houden van alle de zelve affairen twee distincte ende pertinente registers het eene vande zaecken ende depeschen concernerende de leden ende een andere van al tghone thove wort ghedepescheert vp de zaecken particuliere vande stede
Den anderen pensionaris
Het hooren vande informatien tot laste vande ghevanghenen ende van alle zaecken crim smakende Item tayeren vande processen die de stadt int particuliere heeft inden raedt van Vlaendren ende tot Mechelen midts nemende de instructien daertoe behouvende vande voornoemde greffiers ende pensionaris ende die communiquerende voor het dienen den college ende houdende van als registre ghereserveert de processen hanghende ofte te commene inde voornoemde raden by appeele de welcke zullen respectivelick gheayeert ende gheinstrueert worden byden greffier civil ofte vander vierschare daer die gheleghen zyn
Dat de greffiers ende pensionarissen tsamen by extraordinaire heuren zullen vachieren overzien ende duerlezen de processen zo de ghone hanghende ter camere als ter vierschare van importantie wesende ende daer de greffiers eene zwaricheyt in zullen vynden voor anderstondt dat die voor schepenen zullen worden ghebrocht ten buffette om wysen ende ghetermineert te worden tzy ten principalen ofte vp de provisie int advis wezende ende zullen naer de debvoiren boven ghezeyt ende rapport verbael vanden greffier tot meerder verzekertheyt de processen vollesen worden alsdan int college
Dat gheen greffier ofte pensionaris zal wesen te rade van partie nochte schrifturen ofte requeste dienende ter camere ofte vierschare stellen ofte eeneghe personen tzy gheestelick ofte weerlick hebbende ofte zynde apparent thebhene eenich vutstaens ofte gheschil met de stede eeneghe documenten ofte instructie administreren in gheschrifte ofte
mondelynghe volghende heurlieden eedt
</main>
<end>
</end>