Compilatiecorpus Historisch Nederlands 1.0 (CHN): ambtelijke teksten 1250-1800: brussel_1297_1

<begin>
De capittele van senteguedelen ende dapt van didelghen ende sijn couent doen cont alden ghenen die dese lettere selen sien ochte hoeren
</begin>
<main>
dat wi hadden licghende ene ghemeine tiende tuschen laken ende brusele int broech ende die hebbe wi ghesceden met onsen ghemeinen concente also dat dapt van diedelghem heft te sinen deele al de tiende die gheleghen es tuschen de bimpt gracht ende de senne ende tuschen tlant dat wilen mijns ser wouters cluetijns was tsridders ende ser ians vander sennen ende al dandre tiende bouen ende beneden die her voermals was onser beider die es der capittelen van sente guedelen
</main>
<end>
ende omme dat dit vast sal sijn ende ghesteede ende wel ghehouden hebbe wi dit beseghelt met onsen seghelen dit was ghedaen int iaer ons heren m cc xcvij in de sporkelmaent
</end>