Compilatiecorpus Historisch Nederlands 1.0 (CHN): ambtelijke teksten 1250-1800: brussel_1321_2

<begin>
Dat si cont allen den ghenen die dese lettere selen sien ochte horen lesen
</begin>
<main>
dat arnout decousmekere heft vercreghen ene hofstat die men houd van den witteionfrouwen van der ordinen van sente victoers van parijs die buten sente katelinen porte te brusele wonecht sijn dese voerghenoemde hofstat es gheleghen an deporte van der tauelronden voert dese voerghenoemde hofstat heft die voerghenoemde arnout vercreghen deen hellecht jeghen heren arnoude den clieuere ende dander hellecht jehen willem teken dese voerghenoemde hofstat die devoerghenoemde arnout heft vercreghen jeghen den voerghenoemden arnoude den clieuere ende willeme teken dese dicwile ghenoemde hofstat houd men van den voerghenoemden witteionfrouwen op alse selken tsees alse daer wt gheet voert soe heft devoerghenoemde arnout de cousmekere dese voerghenoemde hofstat erflech op v scellinghe tsaers alse selc gelt alse men gheft van den seluen goede dese voerghenoemde hofstat die men houd van den voerghenoemden witteionfrouwen daer op heft de zielmesse van molenbeke iiij scellinghe tsaers alse selc gelt alse in borse gheet Ende terkerken ten sacbruederen jn den stenwech ij scellinghe oech alse selc gelt alse in borse geet Voert soe heft depriorinne ende tcouent ghecocht die selue [] [] [] jeghen den voerghenoemden heren arnoude den clieuere op die selue hofstat die de voerghenoemde arnout houd van den voerghenoemden witteionfrouwen op v scellinghe al dese voerghenoemde tsens valt te kerssauonde te te geldene voer van allen testamente ende van allen tsense es hi quite merten tsise die hier voer ghenoemt es voert ouer dese voerwerde was willem van beckesele alse laet ende heinman de rademekere alse laet ende jan delepelmekere alse laet ende meester gilijs tsmeet ende jan van heinbeke alse laet
</main>
<end>
om dat dit goet ende ghewarech es soe hebben wi priorinne ende conuent ghemeinlech onse zeghelle dar ane ghehanghen in kinnessen der wareit Dit was ghescreuen [] [] []
</end>