Compilatiecorpus Historisch Nederlands 1.0 (CHN): ambtelijke teksten 1250-1800: brussel_1343_8

<begin>
Cont si allen den ghenen die dese letteren zien sele[n] ocht horen lesen
</begin>
<main>
Dat jc amelrijc vederman bekinne Ende belie met desen jeghewerdeghen brieue dat die drie dachwant lants gheleghen buten sente gudilen porte dat men gheet te ophem wert jeghen [o]uer den wijngart reyneren eggloys wilen was Die jc willeme van mere sone wilen was wouters van den viuere ghegheuen hebbe te Erue jarlijx om neghen pont paymints Ende om twe capun[e] Dat hi willem vorseght die drie dachwant noch te houdene heeft Ende te hebbene van kersau[o]nde naest toe comende ouer vijf jaer jeghewelcs jars om sesse pont paymints Ende om twe capune Ende dat ouer mids jarscaren die hi ane dit lant van vore hadde doen hiit jeghen mi te Erue nam
</main>
<end>
jn orconde van welken dinghen jc dese jeghewerdeghe letteren bezeghelt hebbe met minen properen zeghele jn kinnessen der waerheit ghedaen jn jaer ons heren alse men screef dusentech drie hondert viertech ende drie des anders daghs van der maent van decembre
</end>