Compilatiecorpus Historisch Nederlands 1.0 (CHN): ambtelijke teksten 1250-1800: brussel_1389_3

<begin>
Allen den ghenen die dese letteren zelen zien of Hoiren lesen Willem Cassaert geheeten plaetman ende henric geheeten Crupelant Scepenen van bruessele Saluyt met kinnessen der wairheit Cont sij allen
</begin>
<main>
dat want in vorledenen tiden her gielijs geheeten brunincs Priestere vercreech zeuentien pont gewoenlijker munten ten tiden van geldinghen ghemeinlec in borsen gaende jairlex ende Erfelex cheins op hofstad ende huyse dair op staende ghelegen ter Ouermolen tusschen die goide wilen Heinrics vander meeren op deen zide ende een strate aldair sijnde op dander zide De welke goide janne sone wilen was jans geheeten tserhermans toe plaghen te hoerene ghelijc sij hem bewijst waren alse voir Eyghen ende metten Eygendomme der seluer goide de welke goide siin vonden Erue ende dat deyghendom dair af van ouds toebehoirt heeft ende behoirt den goiden geheeten de boegaert Dat toebehoirde den vorderen her willems sloezen tot wiens goide gielijs de loeze natuerlic sone wilen gielijs sloezen des ouders was comen es met Scepenen brieuen van bruesele Ende omme yegewelken in siin recht te behoudene sijn Comen voir ons Scepenen die voirseide gielijs natuerlec sone wilen gielijs sloezen Ende her Arnt van buten Priestere dien die voirseide Cheins voirseiden Cheins die gheschiet sijn van voirledenen tiden tot opten dach datum des briefs alse gronhere der voirseiden goide sijn Consent toe ghedain behoudelec altoes sinen rechte
</main>
<end>
jn welker dinc getughenissen hebben wij Scepenen voirseit onse zegele aen desen brief gehanghen Dit was ghedain jnt jair ons heren alse men screef dusent driehondert tachtentich ende negen opten achtentwintichsten der maent van julio
</end>