Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1281_2

<begin>
[Wi] [Daniel] [van] der mareweden Ende Jan van Tholousen Doen kont alle den ghenen [die] [desen] brief sullen sien ende horen
</begin>
<main>
Dat wi bi ghemeenen rade der heemradren van [den] gro[t]en waerde dies te rade sijn worden ende ouer een hebben ghedraghen Dat ne gheen portre van Dordrecht ne ghenrehande cost noch scade liden sal van sluus ghelde also langhe alse die sluus gheduren mach die nv niewelinghe gheleghet es bi der port ter Dubbelen ward ende daer of ghelouen wise van alre cost van banne ende van boeten scadeloes te houdene sonder die ghene die portren sijn ende land hebben inden g[rote]n ward ende die tote der vorseider sluus wateren die sullen ghelden mede [marghen] marghen ghelike
</main>
<end>
Jn orkonde desen dinghen so hebben wi desen brief bese[ghelt] met onsen seghelen vort land dat binnen der Graft van Dordrecht le[ghet] [dat] sal oec vri bliuen van sluus ghelde ende quite ende wii vorseide heem[radre] [kenden] dit onder der vorseider Daniels ende Jans seghele Dese [brief] [was] [ghegh]euen jnt jaer ons heren mcc een ende tachtich palme daghe
</end>