Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1283_1

<begin>
[Wi] [scepenen] [ende] [raetsmanne] van Dordrecht maken kont alle den g[henen] [die] [desen] [brief] [sullen] [sien] [ende] horen
</begin>
<main>
dat wi sculdech sijn heren Ghisen ende he[ren] [willeme] [dukinghe] portren in dordrecht die houders sijn van d[esen] [brieu]e Du[sent ende seu]ene ende tneghentich marc hollanscer penninghe [die] [si] ons hebben ghe[leent] tote onser ghemeenre stede orebare ende die wi hem hebben ghelouet [] te] [g]heldene in ghemeenre hant ende onghesceden binnen den Naesten [] paeschen die nu naest coemt Ware dat sake dat wi hem [] [n]e betaelden alst vore screuen staet ten vorsegheden tarmine [so] [souden] [wi] [vorsei]de scepenen ende Raetsmanne ter vorseider dukingher ghe[] [] iof te haers ghewarden boden comen lecghen in ene herberghe [bin]nen [dordrec]ht daer si ons wiseden ons seluen te winnene tydeleke maeltyde te doen[e] [a]ls[o] den daghe gheleghen es ende die sonder eneghe arghe lust daer vte niet te scedene wine hebben den vorseiden ghebrodren ghenoech ghedaen ende die vorseide penninghe gheheleke betaeld Vort so ghelouen wi hem dat wi dies niet laten sullen dore ghene herevard dore heerscaps ghebot noch dore gheenen sin die ons letten mochte jof al ware dat sake dat wi in eneghen lecghene anders hiemene comen waren dat wi daer omme niet laten ne souden wine souden den vorseiden ghebrodren leesten ende lecghen na al der manieren die vorscreuen staet iof elkerlijc van ons enen man vore ons doen lecghen dien wi met [eren] lecghen mochten ende also costenleke iof wi selue laghen ende vorscre[uen] [es] Vort est also besproke[n] al ware dat sake dat dat Scependoem [] te meye pleghet te verniewene bi enegherande s[a]ke [] dat wi die nu []seide Scepenen ende Raetsmanne sij[n] [] sullen wine sullen den vorseiden ghebrodren lecg[hen] [] toter wilen dies hem ghenoech ghedaen es vanden vor[seiden] [penninghen]
</main>
<end>
[Jn] [or]konde van desen dinghen so hebben wi hem desen brief beseghelt met der st[ede] Seghele van Dordrecht Dese brief was ghegheuen jnt jaer ons h[eren] [Dusent] tuee hondert ende drie ende tachtich des sater daghes na sente pouwe[ls] [daghe]
</end>