Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1284_2

<begin>
Wi Scepenen ende Raetsmanne ende al die ghemeente van Dordrecht maken kont ende kenleec alle den ghenen die nv sijn ende sijn sullen
</begin>
<main>
dat wi enen bescedenen man ende enen erachteghen onsen lieuen vrient den here Jehanne sheren boydins sone ver belen soens portre jn Ghent die houder es van desen brieue scadeloes ghelouen te houdene van vijf hondert ponden ende van tuee ende dartich ponden vlaemscer penninghe daer hi onse borghe vore es ieghens Jehanne sheren Jehans groten sone van Ghent ende van allen coste ende van allen scade die hem daer of coemt iof comen mach na alder manieren dat onse letteren houden die die vorseide Jehan sheren Jehans groten sone van ons daer of heuet beseghelt
</main>
<end>
Jn orkonde desen dinghen hebben wi hem desen brief beseghelt met onser stede seghele Dese brief was ghegheuen jnt jaer vanden incarnatione ons heren mcc viere waruen tuintich ende viere in die weke vore meye
</end>