Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1284_4

<begin>
Jc michiel bacheleer van Rupelmonde portre in Antwarpen make kont ende kenleec alle den ghenen die desen brief sullen sien ende horen
</begin>
<main>
dat ic hebbe ontfanghen bi janne den clerc van Dordrecht drie hondert pont hollantsc van sulker sculd alse mi die Graue van holland sculdech was daer die van Dordrecht borghen of waren bi haren letteren ende lye dat ic daer mede ghehel[e]ke ende al betaeld bem vander [vor]seider sculd Jn orkonde desen bri[eue] daer omme so biddic iou Willem vanden steenhuse die mijn ward sijt te Dordrecht dat ghi den scepenen al daer hore letteren van dier sculd weder gheuet die onder iou lecghen
</main>
<end>
Jn orkonde minen seghele Dese brief was ghegheuen jnt jaer ons heren mcc viere ende tachtich sente jans messe
</end>