Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1289_1

<begin>
Wij jan veren diedewien sone jan putoc heinric die snidere ende wolbrant die vriese scepene jn dordrecht orcunden ende kennen
</begin>
<main>
Dat voer ons quam alse voer scepene haer ghise dukinc ende verliede ende bekende hem Dat hi sculdich es haren willame dukinghe sinen broeder ende vrancken heren willae[ms] dukincs sone die houders sin van desen brieve hondert pont ende tachtendich pont goeder holl[antscher] penninghe elke tiene hollantsche penninghe waert wesende enen groten tornoysen [penninc] [the] [gheldene] van half marthe die nv eerst coemt over een jaer waer dat sake dat die [voerseide] [haer] [ghise] den voerseiden haren willame sinen broeder ende [vranc]ken sinen sone dese voerseide penninghe tot desen voerseiden tarmine niene goude alse voersc[reuen] [es] [ende] [si] [omme] [die] voerseide penninghe cost of scade daden dien cost ende dien scade sal hem die voer[seide] [haer] [ghise] [op] rechten ende ghelden op al sijn goet dat hi legghende heuet binnen d[er] porten van d[ordrecht] [ende] buten der porten van dordrecht of waer dat [leghet] binnen zuthollant ende tot haers sel[ues] [segghen]
</main>
<end>
Jn orcunde desen brieve Die ghegheuen was int jaer ons heren alsemen scri[uet] mcc achte [ende tachti]ch iaer des sonnendaghes na inghanghende marthe
</end>