Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1291_2

<begin>
Wij thieleman die vriese gielijs veren hadewien sone gielijs jacobs sone ende heinric heren geraerts sone Scepenen jndordrecht orcunden ende kennen
</begin>
<main>
Dat wij ghesien hebben enen brief goet ende gave ende binnen jaers sprekende indusdanicher manieren alse hier na volghet Wij jan veren diedewien sone jan putoch heinric die snidere ende wolbrand die vriese Scepenen jndordrecht orcunden ende kennen Dat voer ons quam alse voer scepene haer ghyse dukinc ende verliede ende bekende hem Dat hi sculdich es haren willame dukincge sinen broeder ende vrancken heren willaems dukincs sone die houders sin van desen brieue hondert pont ende tachtendich pont goeder hollandscher penninghe elcke tiene hollandsche penninge waert wesende enen groten tornoysen peninc the gheldene van half marthe die nv erst coemt over een jaer waer dat sake dat die voerseide haer ghyse den voerseiden haren willame sinen broeder ende vranken sinen sone dese voerseide penninghe tot desen voerseiden tarmine niene ghoude alse voerscreuen es ende si omme die voerseide penninghe cost ende scade daden dien cost ende dien scade sal hem die voerseide haer ghyse op rechten ende ghelden op al sijn goet dat hi legghende hevet binnen der porten van dordrecht ende buten der porten van dordrecht of waer dat leghet binnen zuthollant ende tot haers selues segghen
</main>
<end>
Jn orcunde desen brieue Die ghegheuen was int jaer ons heren alsemen scriuet mcc achte ende tachtich jaer des sonnendaghes na inganghende marthe Ende dese brief was gegheuen int jaer ons heren mcc ee[n ende ne]ghentich des heilichen crucen avont alst gehoghet was
</end>