Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1293_4

<begin>
[W]i jan die keiser jacob ser wigghers sone ghillis ver haedwien sone Ende henric [h]aren alerds sone Scepenen in dordrecht orcunden Ende kennen
</begin>
<main>
dat her willem [du]kinc die houder es van desen brieue ghepant heuet dat erue ghehelike daer [w]illem vaniet nu ter wilen vp woent vander haluer straten achter ten watere wart also [verr]e alst gaet Ende dat halue erue dat daer naest gheleghen [es] tusschen [hen]ric gheilincs Ende den vorseiden erue daer nu ter wilen bouden jans goe[den] [su]agher vp woent vander haluer straten achterwaert ten watere also verre [alst] [gae]t vor alsodanighe scout als her ghise dukinc den vorseiden ha[ren] [willem]e sculdich was dies hi goede brieue heuet met scepenen bese[ghelt] [en]de nu ter [wi]len sine arfnamen sculdich sijn te gheldene
</main>
<end>
Jn or[cunde] [desen] br[ieue] [d]ie was ghegheuen jnt jaer ons heren mcc Drie [ende negh]ent[ich] [in] sinte pieters auonde te inganghende oechste
</end>