Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1293_6

<begin>
Wij Florens Grave van hollant van zelant ende here van [vri]eslant groeten alle die ghene desen brief sien sullen jof horen lesen ende maken hem dat cont ende kenleec
</begin>
<main>
Dat wij ghel[ouen] met goeder trouwen in desen ieghenwordechen brieue onser ghemeenre port van Dordrecht die houder es van dese[n] [brie]ue vander bortocht die si voer ons ghedaen heeft Rycoude van noerdeloes onsen knape ende sijnen arfnamen w[aer] [dat] sake dat sijns ghebrake jofte den ghenen die Rycouts hantveste brenghet alse van Dusent ponden nyew[er] []er penninghe van rycouts husinghe binnen Dordrecht Vo[ert] vander bortocht die si voer ons ghedaen heeft []n tolnare van Gheervliet alse van Tveen hondert pond[en] ende tsestenchen vlaemscher penninghe Dat wij die [voersei]de ghemeene port van dordrecht van deser bortocht scadeloes sullen houden
</main>
<end>
Jn orconde desen brieue [d]ie w[art] ghegheven jnt jaer ons heren Dusent tvehondert drie ende neghentich des anderdaghes na sente Thomaes dach des apostels
</end>