Compilatiecorpus Historisch Nederlands 1.0 (CHN): ambtelijke teksten 1250-1800: dordrecht_1294_4

<begin>
Wij heinric die vriese jan verdieduien sone heineman suus jan maleghiis jacob heren ghiben suagher ende jacob die keyghelare scepene jn Dordrecht orkonden ende kennen
</begin>
<main>
Dat haer willem dukinc ende jan die vriese heren ghisen sone dukinx voer ons quamen ende verghieden dat hem die graue van hollant ghenoech ghedaen heuet als vander gruut van Dordrecht ende daer of so hebben sij vp hem verteghen ende quite ghescouden behouden alre voerwaerden die sij bethoghen moghen met openen hantvesten die die graue van hollant voerseit ende die stede van Dordrecht beseghelt hebben als vanden tuintich ponden jaerliker renten die haer gheliic jaerlix hebben sal jn alre manieren als hare hantvesten spreken Die sij daer of hebben
</main>
<end>
jn orkonde desen brieue die wij voerseide scepenen beseghelt hebben met onsen seghelen jn orkonscepen ende in kennessen Ghegheuen jnt jaer ons heren dusent tue hondert viere ende Neghentich in sente agneten auonde
</end>